Türkmenistanyň Döwlet medeniýet merkeziniň Döwlet kitaphanasynda ABŞ-nyň Türkmenistandaky ilçihanasy tarapyndan Amerikan nusgawy çagalar we ýetginjekler edebiýatynyň kitap sergi ýarmarkasy geçirildi.

  Kitap sergi ýarmarkasyny ABŞ-nyň Türkmenistandaky ilçisi Elizabet Rud açyp berdi. 

        Kitap sergi ýarmarkasynda Amerikan nusgawy çagalar we ýetginjekler,iňlis dili we ylym,tehnologiýa, inženeriýa  we matematika (STEM) boýunça gollanmalar we ABŞ-da okamk boýunça kataloglar ýerleşdirildi we  sergi ýarmarkasyna gatnaşyjylara tanyşdyryldy. Sergi ýarmarkasyna gatnaşanlar  Amerikan nusgawy çagalar we ýetginjekler edebiýatyndan bölekleri okap berdiler şeýle hem iňlis dilinde sözleri harpma-harp dogry aýtmak boýunça “Speliň Bi” bäsleşigi geçirildi.

       Kitap sergi ýarmarkasynyň Multimediýa böleginde tanyşdyrylan kitaplara degişli filimler we ýanyna goşulyp okamak üçin sesli kitaplar görkezildi.Soňra bolsa,sergä gatnaşýanlar kitaplar üçin bezelen sahypa belligini ýasadylar.

       Kitap sergi ýarmarkasynyň ýapylyş dabarasynda  guramaçylar “Speliň Bi” bäsleşiginiň ýeňijilerine hormat hatlaryny gowşurdylar.

     Soňra bolsa,Döwlet kitaphanasynyň ýolbaşçylary sergi ýarmarkasynyň guraýjylara we şeýle mümkinçilikleri döredip beren,dost-doganlyk gatnaşyklarynyň ösmegine giň ýol açan Gahryman Arkadagymyzyň,Arkadagly Gahryman Serdarmyzyň janlarynyň sag bolmaklaryny arzuw etmek bilen öz minetdarlyklaryny bildirdiler.

        ABŞ-nyň Türkmenistandaky ilçihanasy tarapyndan guralan  bu kitap sergi ýarmarkasy türkmen okyjylaryna Amerikan ýazyjylarynyň edebiýatlaryny has hem gowy bilmäge,öwrenmäge öz täsirini ýetirdi.