Türkmenistanyň Döwlet medeniýet merkeziniň Döwlet kitaphanasynda   Amerikanyň Birleşen Ştatlarynyň Döwlet departamentiniň Merkezi Aziýa üçin sebitleýin jemgyýetçilik işleri boýunça hünärmeni Mikela Burken  gezelençde boldy.

Türkmenistanyň Döwlet medeniýet merkeziniň Döwlet kitaphanasyna myhmançylyga gelen   Amerikanyň Birleşen Ştatlarynyň Döwlet departamentiniň Merkezi Aziýa üçin sebitleýin jemgyýetçilik işleri boýunça hünärmeni Mikela Burken  duz- çörek bilen garşy alyndy. Soňra gelen myhman Amerikanyň Birleşen Ştatlarynyň Türkmenistandaky Ilçihanasynyň maglumat, medeniýet amerikan merkeziniň müdiri Azat Myradowyň terjimeçilik etmeginde kitaphana gezelenç etdiler we “Kitaplaryň gigiýena we restawrasiýa labaratoriýasynyň alyp barýan işleri bilen, ”Daşary ýurt dillerindäki edebiýatlary” bölüminde ýerleşdirilen  dürli dilli kitap sergisi bilen tanyş boldylar. Soňra Amerikanyň Birleşen Ştatlarynyň Döwlet departamentiniň Merkezi Aziýa üçin sebitleýin jemgyýetçilik işleri boýunça hünärmeni Mikela Burken “Seýrek neşirler” bölüminde ýerleşdirilen seýrek duş gelýän gadymy kitaplar, ilkinji döredilen neşir önümleri bilen tanyş boldy. Gezelenjiň dowamynda myhman Döwlet kitaphanasynyň ýolbaşçysynyň hem-de bölüm müdirleriň 5-siniň , ýaş kitaphana işgärleriniň 15-siniň gatnaşmagynda Amerikanyň kitaphanalarynda alnyp barylýan işleri prezintasiýaň üsti bilen gürrüň berdi. Şeýle hem kitaphana işgärleri sorag-jogap alyşyp, özleriniň iş tejribesini has-da giňeltdiler.