Türkmenistanyň Döwlet medeniýet merkeziniň  Döwlet kitaphanasynyň  Seýrek neşirler bölümi tarapyndan  Hemişelik Bitaraplygymyzyň 30 ýyllygy mynasybetli  “Bitaraplyk- görkana geljegiň gözbaşy” atly  baýramçylyk dabarasy geçirildi.

Berkarar döwletiň täze eýýämynyň Galkynyşy döwründe has takygy  2025-nji ýyl “ Halkara parahatçylyk we ynanyşmak” ýylynda toý-baýramlar has uludan toýlanýar. Türkmen halkynyň Milli Lideri Gahryman Arkadagymyz, Arkadagly Gahryman Serdarymyz milli medeniýetimizi we sungatymyzy hemmetaraplaýyn ösdürmäge uly üns berýär. Döwlet kitaphanasynyň  Seýrek neşirler bölümi  hem Hemişelik Bitaraplygymyzyň 30 ýyllygy mynasybetli “Bitaraplyk- görkana geljegiň gözbaşy”  atly  baýramçylyk dabarasyny geçirdi. Dabara dürli pudaklardan myhmanlar gatnaşyp, ata-babalarymyzyň ruhy dünýäsinden bize miras galan nusgalyk häsiýetler, edim-gylymlar, milli däp- dessurlar bilen birlikde, Bitaraplyk ýörelgesi türkmen ykbalynda eýýamlar içre kerwen geçen bu ýollaryň keşbinde görünýändigi  hakynda  täsirli söhbet etdiler. Baýramçylyk dabarasynyň çäginde Döwlet kitaphanasynyň baý gaznasyndan “Türkmenistan –Bitaraplygyň mekany “ atly kitap sergisi hem gurnaldy. Dabaranyň ahyrynda oňa gatnaşyjylar halkymyza asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilik döredip beren türkmen halkynyň Milli Lideri Gahryman Arkadagymyzyň  hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýürekden arzuw etdiler.

                                                                                                                                                                   27.11.2025ý.