Türkmenistanyň Döwlet medeniýet merkeziniň Döwlet kitaphanasynyň  Daşary ýurt dillerindäki  edebiýatlar bölüminde “Dünýä döwletleri (Italiýa)” atly kitap sergisi gurnaldy. Berkarar döwletiň täze eýýamynyň Galkynyşy döwründe Döwlet  Baştutanymyzyň  başlangyjy bilen  Bitarap  Watanymyzyň  daşary syýasat strategiýasynyň  yzygiderli amala aşyrylmagy bilen baglylykda, dostlukly  Italiýa döwleti bilen özara bähbitli hem-de deňhukukly hyzmatdaşlygyň ösdürilmegine uly ähmiýet berilýär. Döwlet kitaphanasynda hem Italiýa döwletiniň  taryhy, medeniýeti, sungaty, edebiýaty baradaky kitaplar ýerleşdirilen sergi gurnaldy.  Sergide ýerleşdirilen edebiýatlar kitaphanamyzyň okyjylarynyň arasynda uly gyzyklanma döretdi, olar bu gurnalan  kitap sergisinde özleriniň Italiýa döwleti barada gyzyklandyrýan soraglaryna jogap tapdylar şeýle hem dostlukly halkyň däp-dessurlary, taryhy we medeniýeti bilan tanyşdylar.

Häzirki wagtda daşary ýurt  dillerini we edebiýatyny öwrenmage aýratyn ähmiýet berilýär. Şeýle ajaýyp mümkinçilikleri döredip berýän Türkmen halkynyň Milli Lideri Gahryman  Arkadagymyza , Arkadagly  Gahryman Serdarymyza  köp sagbolsun  aýdýarys!