Türkmenistanyň Döwlet medeniýet merkeziniň Döwlet kitaphanasynyň Neşirleri toplaýyş bölümin kitaphana täze gelen neşirlere bagyşlap kitaphana  syny geçirildi.

        Kitaphana synynda çykyş edenler 2024-nji ýylda “Ylym” neşirýatynyň çap eden “Türkmen paýhasynyň synmaz sütüni”, R. Mustakowyň “Magtymguly Pyragy – Gündogaryň parlak ýyldyzy”, A. Şihnepesowyň  ” Magtymgulynyň döredijiliginiň teswiri”, O. Amandurdyýewanyň “ХVIII  asyr türkmen edebiýatynda  adam we tebigat gatnaşyklary”, G. Şamyýewanyň “Magtymgulynyň döredijiliginde türkmen tebigatynyň şahyrana waspy”, N. Rahymowyň “Magtymgulynyň şygyrlary taryhy çeşme hökmünde“, T. Bekjäýewiň “Magtymgulynyň  eserleriniň frazologiýasy”, atly kitaplar bilen tanyşdyrdylar. Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygy mynasybetli  Magtymguly adyndaky Türkmen döwlet uniwersitetiniň professor-mugallymlarynyň ylmy monografiýalarynyň , makalalar ýygyndysynyň  hem-de okuw gollanmasynyň Magtymgulynyň döredijiligi, türkmen diliniň taryhy bilen gyzyklanýan  okyjylarymyz, esasan-da bu ugurdan bilim alýan ýaşlar üçin gymmatbaha sowgatdygyny kitaphana synynda çykyş edenler belläp geçdiler.

Kitaphana synyna gatnaşyjylar Berkarar döwletiň täze eýýamynyň Galkynyşy döwründe türkmen halkynyň medeni  mirasyny öwrenmek  hem-de ýaýratmak ugrunda ägrit uly işleri durmuşa geçirýän Gahryman Arkadagymyza we hormatly Prezidentimize alkyş sözlerini beýan etdiler.