Oba hojalyk edebiýatlary bölüminde “Göçme kitap sergisini guramak” atly tejribe sapagy

Image description

“Kitaphana - rowaçlyklara badalga” atly gurnagyň  Oba hojalyk edebiýatlary bölüminde “Göçme kitap sergisini guramak” atly  tejribe sapagy.

     Türkmenistanyň Döwlet medeniýet merkeziniň Döwlet kitaphanasynda  “Kitaphana – rowaçlyklara badalga” atly kitaphana gurnagynyň “Göçme kitap sergisini guramak” atly  tejribe sapagy geçirildi. Gurnaga Türkmen döwlet medeniýet institutynyň “Kitaphanaçylyk” fakultetiniň talyplary gatnaşdylar.

   Gurnagymyzyň bu gezeginde Oba hojalyk edebiýatlary bölüminiň kitaphanaçylary özleriniň alyp barýan işleri barada talyplara giňişleýin gürrüň berdiler we sorag-jogap arkaly bäsleşik gurnadylar.

     Şeýle gyzykly duşuşyklar talyp ýaşlarda okuwa, zähmete bolan höwesleriniň ýokary derejede ösmegine uly täsirini ýetirdi. Soňra gurnaga gatnaşyjylar kitaphana işini ösdürmekde olary aýawly saklamakda we kitaplary ýaş nesile ýetirmekde birnäçe aladalar edýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny  tüýs ýürekden arzuw etdiler.

                                                                                              

                                                                                                                                                                  26.11.2025ý.

Maglumatlar şu salgydan alyndy: Oba hojalyk edebiýatlary …

Metbugat gullugy