Türkmenistanyň  Döwlet medeniýet merkeziniň Döwlet kitaphanasynda  Beýik Ýeňşiň 80 ýyllygy  mynasybetli “Watan gerçekleri unudylmaz!” atly baýramçylyk dabarasynyň  ýazgysy

 Her güni ösüşli menziller bilen nurlanýan eziz diýarymyzda ýene-de bir baýramçylyk, Beýik Ýeňşiň 80 ýyllygy uludan  toýlanýar.“Halkara parahatçylyk we ynanyşmak” ýylynda şu günler ýurdumyzda 1941-1945-nji ýyllaryň  Beýik Watançylyk urşunda  gazanylan Ýeňiş güni mynasybetli uruş weteranlaryny, urşa gidip dolanyp gelmedikleriň ýanýoldaşlaryny hem-de zähmet weteranlaryny sylaglamak dabaralary hem aýratyn mana eýe bolýar. Berkarar döwletiň täze eýýamynyň Galkynyşy döwründe Hormatly Prezidentimiziň Watan gerçeklerine goýýan çäksiz sarpasy, geljek ýaş nesillerimiz üçin Watany söýmegiň, mertligiň ynsanperwerligiň beýik nyşany bolup ör boýuna galýar.

     Döwlet kitaphanamyzda geçirilýän  “Watan gerçekleri unudylmaz!” atly baýramçylyk dabaramyzda Türkmenistanyň içeri işler ministirliginiň  weteranlar geňeşiniň ätiýaçlykdaky polkownigi Abdylla Berdinazarow çykys etdi ol öz dünýäde ynsan üçin ene toprakdan, ata Watanyndan  eziz zat megerem ýoklygy barada watany söýmek, ony gözüň göreji ýaly gorap saklamak her bir ynsanyň  mukaddes borjudygy barada sohbet etdi. Şonuň ýalyda dabaramyzyň su ýerinde Oguzhan adyndaky «Türkmenfilm» birleşiginiň halypa işgäri Öwez  Şarlyýewiň çykyşy bilen dowam etdik.   Ol özüniň çykyşynda  

1941-1945-nji ýyllaryň Beýik Watançylyk urşy ýyllarynda söweş meýdanlarynda we tylda edermenlik görkezenlikleri hakynda söhbet etdi. Biz olaryň watana wepalylygynyň, edermenliginiň hem-de gaýduwsyzlygynyň, bagtyýar durmuşymyz we nurana geljegimiz üçin bitiren hyzmatlarynyň öňünde baş egýäris diýip giňişleýin gürrüň etdiler. Dabaramyzyň ýene bir  “Gyzyl kürte”kinofiliminde enäniň keşbini ýerine ýetiren, Türkmen Döwlet Medeniýet institutynyň 4-nji ýyl talyby Aýna Jumaýewanyň eden gürrüňleri bilen dowam edildi. 

     Şeýle hem şol filimde ýurjysynyň rolyny ýerine ýetiren 135-nji orta mekdebiniň okuwçysy Ybraýym Baýramow biziň şu günki baýramçylyk dabaramyzyň myhmany  boldy.               

Dabaramyzda söz gezegini halypa kärdeşimiz, Metbugat neşirleri abatlaýyş we jiltlemek bölüminiň bölüm müdiri, Türkmenistanyň içeri işler ministirliginiň  weteranlar geňeşiniň ätiýaçlykdaky maýory, “Birkemsiz gulluk edenligi üçin” III- derejeli medalyň, “Garaşsyz Türkmenistana bolan söýgüsi üçin” ordeniniň eýesi Akjagül Galmykowanyň beren gürrüňleri bilen dowam edildi.

   Şu günki geçirilen “Watan gerçekleri unudylmaz!”atly dabaramyzy tamamlamak bilen dabara gatnaşanlara minnetdarlyk aýtmak bilen olaryň her biriniň kalbyda Watana  söýgi,  wepalylyk ýaly eziz duýgularyň ýaşamagyny  arzuw edip, bize  baky bagtyýarlygy bagyş eden türkmen halkynyň Milli Lideri  Gahryman Arkadagymyzyň, Hormatly Prezidentimiz, Arkadagly Gahryman Serdarymyzyň, janlary sag, ömürleri uzak, belent başlarynyň aman bolmagyny tüýs ýürekden arzuw etdiler!