“Ýaşlyk” teleýaýlymy tarapyndan “Ýazyjy–şahyrlaryň kitaplarynda bedew waspy” atly ýazgy edildi.

Türkmenistanyň Döwlet medeniýet merkeziniň Döwlet kitaphanasynda “Ýaşlyk” teleýaýlymy tarapyndan “Ýazyjy-şahyrlaryň kitaplarynda bedew waspy” ady bilen ýazgy edildi. Teleýaýlymda çykyş eden kitaphana işgärleri ýyndamlykda deňi-taýy bolmadyk atlaryň waspynyň  nusgawy ýazyjy-şahyrlaryň eserlerinde, halk döredijiliginde öz beýanyny tapýandygyny, söz ussatlarynyň bedewleriň haýran galdyryjy häsiýetlerini, gözelligini öz goşgularyna siňdirip, biziň şu günlerimize ýetirendikleri dogrusynda söhbet etdiler. “Garaşsyz baky Bitarap Türkmenistan-bedew batly, at myradyň-mekany” ýylymyzda dünýäde ýeke-täk hasaplanýan türkmen bedewleriniň şan –şöhradyny dünýä ýaýýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan beýik işleriniň rowaçlyklara beslenmegini arzuw etdiler.