-
15
Ýanwar
«Türkmenistan — dünýä halklaryny ynanyşdyryjy döwlet» ady bilen maslahat geçirildi
Hormatly Prezidentimiziň ýolbaşçylygynda gün-günden ösýän eziz Diýarymyzda 2021-nji “Türkmenistan- parahatçylygyň we ynanyşmagyň Watany” ýylymyzy täze ýeňişlere beslemek üçin ähli ugurlarda uly joşgun,uly buýsanç bilen zähmet çekilýär. Türkmenistanyň Döwlet medeniýet merkeziniň Döwlet kitaphanasynda «Türkmenistan — parahatçylygyň we ynanyşmagyň watany» ýyly mynasybetli Aşgabat şäher häkimliginiň, Türkmenistanyň Demokratik partiýasynyň Aşgabat şäher komitetiniň bilelikde gurnamagynda «Türkmenistan — dünýä halklaryny ynanyşdyryjy döwlet» ady bilen maslahat geçirildi.
Maslahatda: Türkmenisyanyň Demokratik Partiýasynyň Aşgabat şäher komitetinden, Aşgabat şäher arassaçylyk we keselleriň ýarramagyna garşy göreşmek gullugynyň lukmanlary, Türkmenistanyň Döwlet medeniýet merkeziniň Döwlet kitaphansydan ýörite hünärmenler giňden söhbet etdiler. Çykyş edenler öz sözleriniň soňunda Hormatly Arkadagymyza şeýle döredip berýän giň mümkinçilikleri üçin köp sag bolsun aýtdylar, jan-saglygyny, ýurt asudalygyny arzuw erdiler. Maslahatyň çäginde “Täze ýeňişlere täze gadamlar” ady bilen giňişleýin kitap sergisi guraldy.
