“DÜNÝÄ DÖWLETLERI BILEN HALKARA GATNAŞYKLAR” ATLY KITAP SERGISI GURNALDY.

“Dünýä döwletleri bilen halkara gatnaşyklar” atly kitap sergisi gurnaldy.

Ýurdumyzda “Halkara parahatçylyk we ynanyşmak ýyly” diýlip yglan edilen 2025-nji ýyla gadam basmak bilen, eziz Diýarymyzy mundan beýläk-de gülledip ösdürmäge, halkymyzyň bagtyýar durmuşyny üpjün etmäge gönükdirilen giň gerimli işler dowam etdirilýär. 2025-nji ýylyň “Halkara parahatçylyk we ynanyşmak ýyly” diýlip yglan edilmegi Bitarap Türkmenistanyň içeri we daşary syýasatynyň dünýä bileleşiginiň umumy ykrar edilen ýörelgeleri bilen sazlaşykly utgaşýandygyny ýene-de bir gezek tassyklady.

     Bu günki gün Milli Liderimiz tarapyndan başy başlanyp, hormatly Prezidentimiziň baştutanlygynda üstünlikli durmuşa geçirilýän, deňhukuklylyk, özara düşünişmek, hoşniýetli goňşyçylyk, oňyn Bitaraplyk ýörelgelerine esaslanýan daşary syýasatymyz dünýä bileleşiginde giň goldaw tapýar. 2025-nji ýylyň dünýä we ýurt derejesinde yglan edilen şygarlarynyň biri-biri bilen aýrylmaz baglanşykly we meňzeş bolmagynda Türkmenistanyň hem-de BMG-niň özara gatnaşyklary aýdyň beýanyny tapýar.

     Döwlet kitaphanasynda hem “Dünýä döwletleri bilen halkara gatnaşyklar” atly tema boýunça daşary ýurt dillerindäki kitaplar ýerleşdirilen sergi gurnaldy. Sergide ýerleşdirilen kitaplar Türkmenistan bilen dünýä döwletleriniň arasyndaky halkara gatnaşyklary okyjylar köpçüligine tanyşdyrmaga uly ýardam berýär. Bu sergi okyjylarymyzda uly täsir galdyrdy.

     Şeýle ajaýyp mümkinçilikleri döredip berýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, tutýan tutumly işleri hemişe rowaçlyklara beslensin.