«ARKADAGLY SERDARLY, ŞÖHRATLY-ŞANLY WATAN!» ADY BILEN DABARA GEÇIRILDI

«Arkadagly Serdarly, şöhratly-şanly Watan!» ady bilen dabara geçirildi

Şu gün Türkmenistanyň Döwlet medeniýet merkeziniň Döwlet kitaphanasynda «Arkadagly Serdarly, şöhratly-şanly Watan!» ady bilen ýyla bagyşlanan dabara geçirildi.

Dabarada çykyş edenler «Arkadag Serdarly bagtyýar ýaşlar» ýylymyzyň şu gününe çenli ýurdumyzda bolup geçen taryhy we şanly wakalar, medeniýetimiziň we sungatymyzyň, ykdysadyýetimiziň dürli pudaklarynda ýetilen sepgitler, sebitde ýeke-täk akylly şäher bolan «Arkadag» şäheriniň açylmagy, «Arkadag şäheri — geljegiň şäheri», şeýle hem Milli Liderimiz Gahryman Arkadagymyzyň «Ömrümiň manysynyň dowamaty» atly ajaýyp kitabynyň halkymyza gowuşmagy hakynda giňişleýin söhbet etdiler.

Olar söhbetleriniň ahyrynda kitaba uly sarpa goýýan Gahryman Arkadagymyzyň, Arkadagly Serdarymyzyň janlarynyň sag, ömürleriniň uzak, il-ýurt bähbitli, döwlet ähmiýetli işleriniň rowaç bolmagyny arzuw etdiler.