“BEÝIK DÖWRE JOŞGUN, TARYP ÝARAŞÝAR” ATLY GÖÇME KITAP SERGI WE TEGELEK STOLUŇ BAŞYNDA SÖHBETDEŞLIK

“Beýik döwre joşgun, taryp ýaraşýar” atly göçme kitap sergi we tegelek stoluň başynda söhbetdeşlik

Türkmenistanyň Döwlet medeniýet merkeziniň Döwlet
kitaphanasynyň Sungat bölümi Maýa Kulyýewa adyndaky Türkmen milli
Konserwatoriýasy bilen bilelikde “Pähim-paýhas ummany Magtymguly Pyragy”
ýylynda giňden bellenilýän akyldar şahyrymyz Magtymguly Pyragynyň doglan
gününiň 300 ýyllygy, şanly Garaşsyzlygymyzyň 33 ýyllyk baýramçylygy, Änew
şäheriniň 2024-nji ýylda “Türki dünýäniň medeni paýtagty” diýlip yglan edilmegi
mynasybetli “Beýik döwre joşgun, taryp ýaraşýar” atly göçme kitap sergisini
gurnady we tegelek stoluň başynda söhbetdeşlik geçirildi.
Göçme kitap sergisi türkmen halkynyň Milli Lideri Gahryman
Arkadagymyzyň, Hormatly Prezidentimiz Arkadagly Gahryman Serdarmyzyň
eserleri, 2024-nji “Pähim paýhas ummany-Magtymguly Pyragy” ýylymyza
bagyşlap akyldar şahyrymyz Magtymguly Pyragynyň kitaplary, şeýle-de Döwlet
kitaphanasynyň baý kitap hazynasynda bar bolan kitaplar bilen guraldy.
Söhbetdeşlikde çykyş edenler: “Türkmen medenýetini, türkmen edebiýatyny
Magtymguly Pyragysyz göz öňüne getirmek mümkin däl. Ol mähriban
topragymyzyň hakyky watançysy we joşgunly waspçysy. Şahyryň watançylyk,
agzybirlik, dostluk, gahrymançylyk, birleşmek hakyndaky goşgulary edebi-
çeperçilik taýdan kämillige eýe bolup türkmen halkynyň kalbynda mydamalyk
orun aldy we ýaş nesillermizi watançylyk ruhunda terbiýelemekde gymmatly
çeşmedir” diýip belläp geçdiler.
Söhbetdeşligiň ahyrynda oňa gatnaşyjylar ýurdumyzda uludan toýlanýan şanly
Garaşsyzlygymyzyň 33 ýyllyk toýy bilen türkmen halkynyň Milli Lideri
Gahryman Arkadagymyzy, Hormatly Prezidentimiz Arkadagly Gahryman
Serdarmyzy, bütin türkmen halkymyzy tüýs ýürekden gutlap, Magtymguly
Pyragynyň Berkarar döwlet baradaky arzuwyny hasyl edip, halkymyzy Berkarar
döwletiň täze eýýamynyň galkynyşy döwründe ýaşadýan, söz ussadynyň sarpasyny
has-da belende göterýän türkmen halkynyň Milli Lideri Gahryman
Arkadagymyzyň, Hormatly Prezidentimiz Arkadagly Gahryman Serdarmyzyň
janlarynyň sag, başlarynyň dik bolmagyny, tutýan tutumly işleriniň elmydama
rowaçlyklara beslenmegini arzuw etdiler.