-
27
Mart
«Kitap — gymmaty egsilmejek hazyna» ady bilen söhbetdeşlik geçirildi
Şu gün Türkmenistanyň Döwlet medeniýet merkeziniň Döwlet kitaphanasynda «Kitap — gymmaty egsilmejek hazyna» ady bilen tegelek stoluň başynda söhbetdeşlik geçirildi.
Söhbetdeşlikde çykyş edenler: «Türkmen halky öz taryhy ösüşiniň bütin dowamynda ruhy gymmatlyklaryna hemişe uly gadyr goýup, oňa aýratyn ähmiýet berip gelipdir. Sebäbi kitap okamagy söýýän halk özüni bagtly saýypdyr. Şu ýerde belli türkmen ýazyjysy Nurmyrat Saryhanowyň “Kitap” hekaýasy biygtyýar ýadyňa düşýär. Ýazyjy hekaýasynda nusgawy türkmen şahyry Magtymguly Pyragy we onuň edebi mirasy barada söz açýar» diýip, belläp geçdiler.
Söhbetdeşlige gatnaşanlar çykyşlarynyň ahyrynda halkymyzyň ruhy gymmatlyklaryna uly sarpa goýup, olary dünýä ýaýmakda nusgalyk işleri alyp barýan türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza tüýs ýürekden buýsançlaryny beýan etdiler.
