“MEDENI-MIRAS ” ATLY TEGELEK STOLUŇ BAŞYNDA SÖHBETDEŞLIK

“Medeni-miras ” atly tegelek stoluň başynda söhbetdeşlik

Türkmenistanyň Döwlet medeniýet merkeziniň Döwlet kitaphanasynda Sungat
bölümi tarapyndan “Bilimler we talyp ýaşlar güni” mynasybetli tegelek stoluň
başynda söhbetdeşlik geçirildi.
Söhbetdeşlige Döwlet kitaphanasynyň ýaş hem-de halypa işgärleri şeýle-de
Türkmen Döwlet medeniýet institutynyň mugallymlary, talyplary gatnaşdylar.
Tegelek stoluň başyndaky söhbetdeşlik türkmen halkynyň Milli Lideri Gahryman
Arkadagymyzyň: “Bu günki gün adamzat türkmen halkynyň beýik akyldar ogly
Magtymguly Pyragynyň hatyrasyny belentde tutup, beýik söz ussadynyň
şygyrlaryndan elýetmez ylham, ruhy güýç alýar” diýen çuňňur manyly
jümlesinden ruhlanylyp geçirildi.
Söhbetdeşlige gatnaşanlar Türkmenistanda Bilim syýasatynyň amala
aşyrylyşy, mekdep okuwçylarydyr talyp ýaşlaryň bilim almaklary üçin
diýarymyzda türkmen halkynyň Milli Lideri Gahryman Arkadagymyzyň,
Arkadagly Gahryman Serdarmyzyň edýän taýsyz tagallalary, şeýle-de üstümizdäki
ýylda doglan gününiň 300 ýyllygy bellenilip geçilýän Magtymguly Pyragynyň
watançylyk agzybirlik, dostluk, gahrymançylyk hakyndaky goşgularynyň edebi-
çeperçilik taýdan kämillige eýe bolup, türkmen halkynyň kalbynda mydamalyk
orun alandygy we ýaş nesillermizi watançylyk ruhunda terbiýelemekde gymmatly
çeşmedigi barada gürrüň etdiler.
Söhbetdeşligiň ahyrynda oňa gatnaşanlar Magtymguly Pyragynyň Berkarar
döwlet baradaky arzuwyny hasyl edip, halkymyzy Berkarar döwletiň täze
eýýamynyň galkynyşy döwründe ýaşadýan, söz ussadynyň sarpasyny has-da
belende göterýän türkmeniň halkynyň Milli Lideri Gahryman Arkadagymyzyň,
Arkadagly Gahryman Serdarmyzyň janlarynyň sag bolmagyny, edýän sahawatly
işleriniň hemişe rowaç almagyny arzuw etdiler.