TÜRKMENISTANYŇ DÖWLET MEDENIÝET MERKEZINIŇ DÖWLET KITAPHANASYNYŇ NEŞIRLERI TOPLAÝYŞ BÖLÜMINE WE KITAPHANA TÄZE GELIP GOWŞAN EDEBIÝATLARDAN KITAPHANA SYNY GEÇIRILDI.

  • Türkmenistanyň Döwlet medeniýet merkeziniň Döwlet kitaphanasynyň Neşirleri toplaýyş bölümine we kitaphana täze gelip gowşan edebiýatlardan kitaphana syny geçirildi.

    15

    Oktýabr

    Türkmenistanyň Döwlet medeniýet merkeziniň Döwlet kitaphanasynyň Neşirleri toplaýyş bölümine we kitaphana täze gelip gowşan edebiýatlardan kitaphana syny geçirildi.

    Kitaphana synynda çykyş edenler Muhammetberdi Rahymowyň we Serdar Nazarowyň Döwlet kitaphanasyna sowgat beren “Ýokary matematikanyň ýörite bölümleri” atly kitabyň birinji, ikinji neşiri bilen tanyş etdiler. Çyzykly algebranyň, onuň ulanylyşy hökmünde analitiki geometriýanyň we funksional analiziň düşunjeleri, ykdysady-matematiki meseleleriň çözüliş usullaryny gökezilen okuw gollanmasynyň talyplar bilen birlikde mugallymlara we aspirantlara hem peýdalydygy hakynda gürrüň etdiler. Şeýle hem kitaphana synynyň dowamynda “Arterial gipertenziýaly näsaglaryň berhiz bejergisi” atly usuly gollanma we Türkmenistanyň Döwlet medeniýet merkeziniň Döwlet kitaphanasynyň Sungat bölüminiň taýýarlan, Türkmenistanyň halk artisti Aýdogdy Gurbanowyň doglan gününiň 90 ýyllygyna bagyşlanan “Aýdym bolup ýüreklerde ýaşaýar” atly usuly-bibliografiýa gollanma bilen tanyş boldular. Kitaphana synyna gatnaşyjylar ýurduň, halkyň abraý-mertebesini barha beýgeldýän, il-gününe eşretli durmuşy bagyş edýän Gahryman Arkadagymyzyň, Hormatly Prezidentimiz Arkadagly Gahryman Serdarmyzyň janlarynyň sag, ömürleriniň uzak bolmagyny arzuw etdiler.